Estudante No Manorin Nain Eskola Ebc 7 De Dezembro Bermoli Suku Maulau Maubisse La Bele Asesu Ba Eskola Online No Eskola Ba Uma Tamba Laiha Linha Internet Inklui Area Balun La Asesu Ba Energia Eletrisidade.
Lia hirak ne’e hato hosi Directur da Eskola EBC 7 de Dezembru Bermoli Maulau Pedro Salsinha Kuarta loron 19 fulan Maio foin lalais ne’e iha nia knar fatin. Salsinha Haktuir, Maske iha hela Aula Online maibe difisil tebes atu asesu tamba laiha Rede Internet, iha komunidade balun mo’os mak asesu liu hosi Radio no Telvisaun, maibe iha area balun la bele Asesu ba iha knal hirak ne’e tamba linha Eletrisidade.
“Tuir Programa Kurikular Aula distancia ne’e lao hela liu hosi midia sira hanesan Telvisaun no Radio e balun mo’os akompanha liu hosi hosi Online maibe difisil tebes atu asesu ba aula Online tamba laiha rede internet. Iha Komunidade balun asesu ba Radio no Telvisaun. No iha ne’e iha area balun mo’os la asesu tamba laiha Eletrisidade Atu akompanha, ida ne’e maka ami nia difikuldade bajeia ba iha Realidade ne’ebe maka ita hare dadaun.”
Liga ho prokupasaun hirak ne’e Inspektur Eskolar Postu Administrativo Maubisse Zona A Pedro Mendonca mo’os Rekuinese Prokupasaun hirak ne’e. Tuir Inspektur eskola ne’e hateten iha kapital estudante sira bele asesu ba ensinu Aprendisajen iha uma Liu hosi Online no eskola ba uma, maibe iha foho Difisil atu asesu ba iha Online tamba la Asesu ba rede internet, no iha mo’os estudante balun laiha Telefoni.Tamba ne’e karik situasaun hanesan ne’e liga ho serka sanitaria kuntinua ba oin kualidade edukasaun iha rai ida ne’e sei tun ba Porsentu Lima Nolu (50%)
Jornalista Joaquim de Fatima Coutinho
Editor Moises Magno
