Sarani Sentro Pastoral Manumera Hatobuilico Simu Hikas Estatua Nossa Senhora De Fatima Husi Sarani Horaquic Posto Maubisse

0
1,440 views

Sarani Atus Resin Simu  Estatua Nossa Senora De Fatima Hodi Selebra Tinan 53 Ba Loron Mahein Setru Pastoral Nossa Senora De Fatima  Manumera ne’ebe monu iha dia 16 de Outubro 2020.

Relasiona ho Sarani Sentro Pastoral Manumera Hatobuilico Simu hikas Estatua Nossa Senhora de Fatima Husi Sarani Horaquic Posto Maubisse, Iha Intervista ba Jornalista Radio Komunidade Maubisse Mauloko, 16/10/2020 Chefef Aldeia Manumera Afonso Verdial hateten katak estatua refere mai kedas desde 1971, tamba ne’e sira sempre halao  festa hodi selebra iha 13 de Maio, maibe ba tinan ida ne’e ho programa nebe mai husi igreija selebrasaun refere adia fali mai iha fulan outubro, 16 de Outubro 2020.

Iha simu  mahein Nossa Senhora de Fatima Sentro pastoral Manumera ne’e sarani sira antusiasmu tebes  no sente orgulho haksolok hodi simu Nain Feto Nossa Senhora de Fatima Husi Suco Horaquic maubisse mai hikas fali iha Aldeia Manumera.

Entertanto mahein Sentro Pastoral Nossa Senonora de Fatima ne’e durante ne horik hela ho sarani sira  iha Kartolu Suku Horaikik Postu Administrative Maubisse Munisipiu Ainro, ho nune’e iha loron 16 Outubro Sarani Manumera simu hikas fali husi  Suco Horaquic Maubisse ba Fali Sentro Pastoral Manumera hodi selebra tinan 53 prezensa Estatua Nossa Senhora de Fatima iha Aldei Manumera.  

Iha Selebrasaun tinan  53  iha Sentru  Pastoral  Nossa Senora de Manumera, iha omilia Amu Vigario Parokia  Maubisse Pe. Franssisco Soares Fernandes hateten  Maromak  halo ita ema no buat hotu iha mundu, ita ema  Maromak tau as liu buat hotu tamba ne’e moris iha mundu atu fo domin ba malu. Alende ne’e Amu Vigario ne’e husu ba sarani sira liliu ba sira nebe foin simu sakramentu  baptismu, sakramentu eukaristia no sakramentu  kaben tenki ativu missa nune’e bele simu komuniao, tamba missa laos hadomi  sertidaun maibe  ba missa tamba hadomi Cristu no halo tuir ukun fuan sira hodi moris iha domin nia laran. Entertantu iha missa agradesimentu  ba mahein Sentru Patoral Manumera, Pe. Farancisco fo Casamentu a par nain hat, primeiro komuniaun 24, inklui mos sarani labarik sira.

Serimonia solene ba Selebrasaun tinan  53  Mahein Nossa Senhora de Fatima ne’ebe halao iha Sentru Pastoral Manumera Suco Mulo Posto Hatobuilico Municipiu de Ainaro.

Jornalista Claudia Mendonca Espirito Santo

Editor Augusto Alves de Carvalho

0 0 votes
Article Rating
Subscribe
Notify of
guest
0 Comments
Inline Feedbacks
View all comments