Forum ONG Timor Leste  FONGTIL iha tempu badak  sei lansa liru ida ho nia topiku jeral dezenvolve hanoin hodi kontribui ba asaun transformasaun ba organizasaun sosiedade sivil sira iha Timor Leste.

Ba Jornalista Radio Komunidade Maubisse Mauloko, Segunda Feira 19/10/2020, Evaluador  Planu Estrateziku FONGTIL  Jose Jaquelino   esplika katak  surumutuk ho  ONG Lokal sira iha Postu Administrativu  Maubisse Municipiu Ainaro hodi halo evaluasaun  ba  impaktu kona  ba  implementasaun   programa planu  estrateziku FONGTIL nian  nebe durante ne’e lao iha ONG sira hahu husi tinan  2016 to’o 2020.

Alende ne’e  Prgrama Menejer  Fundasaun Maharu  Bernadino Martins Dias nia parte sente orgulho ho surumutuk ne’e,  tamba bele iha oportudidade  hodi partisipa nune  bele hatene mos kona ba prgrama sira nebe durante ne FONGTIL halao

Bernardino mos rekomenda ba FONGTIL katak evaluasaun ba programa kada tinan lima ne’e, nune’e  FONGTIL bele traxa planu hodi  fo formasaun ba membro ONG sira, enkuantu surumutuk ida ne halao iha Radio Komunidade Maubisse Mauloko, no evaluasaun refere halao ba ONG hat mak hanesan, Radio Komunidade Maubisse Mauloko, Fundasaun MAHARU, ONG Tokar Hatubuiliko, no ONG Nafofila  mka la prezensa tamba okupadu ho aktividade  balun, e evaluasaun ne tuir planu sei hakat liu ba Suai.

Entertantu Tuir Ofice Menejer FONGTIL João  Freitas  hafoin remata surumutuk nebe halao iha Radio Komunidade Maubisse Mauloko, haktuir  katak Forum ONG Timor Leste  FONGTIL iha tempu baba sei lansa liru ida ho nia topiku jeral dezenvolve hanoin hodi kontribui ba asaun transformasaun ba organizasaun sosiedade sivil sira iha Timor Leste,no livru ne’e, sei hakerek pontus hitu nebe ho nia sub topiku difrente, no tuir planu livru refere sei produs no fahe ba membro ONG sira hodi hatene kona ba saida deit mak sosiedade sivil sira halao iha Timor Leste.

Jornalista Augusto Alves de Carvalho

Editor Racom Maubisse