Maubisse sai hanesan cidade ki’ik ida ne’ebe ema barak konhece e liu-liu ema estranjeiru sira katak Maubisse hanesan fatin potensial ba TURISMU HO NIA PAISAJEM NE’EBE FURAK NO FRESKU. Maubisse rai malirin maibe ema barak gosta hodi mai pasa tempu iha fatin ida ne’e. ohin loron ita hare realidade ne’ebe iha katak cidade ki’ik ida ne’e konhecido tebes. Ho ida ne’e ita hotu hamrik firme hadi basa liman makas katak maske mMaubisse iha hela klean bo’ot ida maibe atrai tebes ema wain hodi hakat mai vijita Maubisse. Historia no realidade hatudu katak, rai Maubisse iha tempu naruk moris ho nia komunidade ne’ebe mayoria mak ho vida agruikultura no kultura rasik e kultura ne’e maka kultura unidade.
Ho kultura unidade ida ne’e maka kontribui ba Maubisse sai furak no fresku tamba rejultadu husi ita nia unidade no servisu makas. Ho nune’e maka dala barak ema koalia katak Maubisse ne’e fatin ida ke fresku no nia klima kapas tebes, ne’e los duni e lia fuan ida ne’e la monu le’et deit ba fatuk laran hodi mate tiha, maibe lia fuan sira ne’e sempre monu ba rai metan ne’ebe ho bokur makas hodi fo funan, no ikus mai hetan nia isin ne’ebe diak, e isin ida ne’e halo atrai ema barak hodi hakat-an mai rai Maubisse. Tamba ne’e hanesan Maubisse oan rekonhece klima ne’ebe ita iha, tamba ema barak mak gosta tebes rai Maubisse, hodi sente klima ne’ebe fresku iha fatin klean ida ne’e.
Koalia kona ba paisajem Maubisse konta mos ho pouzada de Maubisse ne’ebe ho nia figura ida ke furak tebes no ai-horis sira ho nia tahan mesak matak no fo mahon no matak malirin ba cidade maubisse, infeita mos ho aifunan ne’ebe ho nia funan oi-oin. Ho nune’e ita bele dehan Maubisse sai portaun ba turismu iha rai-klaran, katak ema hotu ba mai sempre liu hosi fatin ida ne’e. Tamba ne’e ita hotu hanesan Maubisse oan tenke kria paz no unidade nune’e bele dezemvolve rai Maubisse no lori Maubisse ba hasoru loron foun iha aban bainrua ho progresu. Maubisse iha ita hotu nia liman mai lolo liman ba malu hodi hadia rai Maubisse sai furak liu tan iha loron aban bainrua, nune’e bele fo sasin katak Maubisse furak husi matan nia sasin.
Escritor ; Joaquim de Fatima Coutinho, L.CG
Editor ; Racom Maubisse
